ЭРҮҮЛ МЭНДИЙН ЯАМ

Бүх аймгийн орон нутгийн болон эрүүл мэндийн салбарын удирдлагууд, нийгмийн эрүүл мэндийн ажилтнуудад зориулан нийгийн эрүүл мэндийн талаар төрөөс баримтлах бодлогын хэрэгжилтийг ямар арга замаар эрчимжүүлэх, тулгамдаж байгаа масуудлыг хэрхэн шийдвэрлэх талаар бүсчилсэн сургалт семинари зохион байгуулах ажлыг ЭМЯ-ны Нийгмийн эрүүл мэндийн бодлогын хэрэгжилтийг зохицуулах газрын мэргэжилтнүүд эхлүүллээ. Эхний сургалт семинари Сэлэнгэ аймагт боллоо. Энд Хэнтий, Дорноговь, Говьсүмбэр, Дархан-Уул ,Орхон аймгаас тус бүр 10 хүний бүрэлдхүүнтэй баг хүрэлцэн ирж 3 өдөр ажиллалаа.

2010 онд улсын төсвийн хөрөнгөөр эрүүл мэндийн салбарт шинээр баригдах барилгын ажилд 19 тэрбум төгрөгийн хөрөнгө оруулалт батлагдсан байна. Энэ хөрөнгөөр хийгдэж эхлэх томоохон ажлуудаас дурьдвал, Шастиний нэрэмжит клиникийн төв эмнэлгийн өргөтгөл, Хавдар судлалын үндэсний төвийн өргөтгөл, Сэтгэцийн эмгэг судлалын үндэсний төвийн өргөтгөл, Баянгол дүүргийн Эрүүл мэндийн нэгдлийн шинэ барилга, Хан-Уул дүүргийн Буянт-Ухаа хороололд баригдах 300 ортой нийслэлийн эх нялхсын эмнэлгийн шинэ барилга, Нийслэлийн спорт цогцолборын шинэ барилга, Сонгинохайрхан дүүрэгт болон Сүхбаатар аймагт сүндэрлэх спорт цогцолборын шинэ барилга зэрэг юм. Тэдгээрийн зэрэгцээ аймаг орон нутагт хийгдэж байгаа хэд хэдэн барилгын ажлууд ч мөн байгаа. Тухайлбал, Архангай аймагт Эрүүл мэндийн сайд С.Ламбаагийн санаачлагаар баригдсан 40 ортой хүүхдийн эмнэлэг, 30 ортой халдвартын эмнэлэг ашиглалтанд ороод байгаа бол Төв, Архангай, Баян-Өлгий аймгуудад спорт цогцолборууд баригджээ.

Эрүүл мэнд гэхээр зөвхөн өвчин зовлонгүй байна гэж ихэнх хүмүүс ойлгодог. Түүгээр ч үл барам эрүүл мэндийг хамгаалж, дэмжих нь эмч, эмнэлгийн ажилчдын хийх ёстой зүйл мэтээр төсөөлөх нь түгээмэл байна. Харин ДЭМБ-ын тодорхойлолтоор “Эрүүл мэнд гэдэг нь зөвхөн өвчин, эмгэггүй байх төдийгүй бие бялдар, оюун санаа, нийгмийн амьдралын сайн сайхан байдлын цогц бүрдэл” юм.
Дэлхий нийтийн чиг хандлага ч өөрчлөгдөж, хүмүүс өвчин туссан хойноо эмнэлэгт хандах биш, өвчлөхөөс нь өмнө урьдчилан сэргийлэх, эрүүл мэндээ дэмжих  талаар санаа тавьдаг болжээ.