ЭРҮҮЛ МЭНДИЙН ЯАМ

Цахим эрүүл мэндийг хөгжүүлэх стратеги, түүнийг хэрэгжүүлэх үйл ажиллагааны төлөвлөгөө Эрүүл мэндийн сайдын 2009 оны 450 тоот тушаалаар батлагдаж, дэд бүтцийг хөгжүүлэх, байгууллага хоорондын өндөр хурдны цахим сүлжээг аймгийн нэгдсэн эмнэлэг хүртэл өргөтгөж салбарын нэгдсэн сүлжээ байгуулах ажлыг эхлүүлсэн юм. Энэ хүрээнд 21 аймгийг ЭМЯ-тай өндөр хурдны сүлжээгээр холбоход шаардагдах 210 сая төгрөг, компьютер, техник хэрэгсэл болон телемедициний тоног төхөөрөмжөөр хангахад 700 сая төгрөгийг улсын төсөвт суулгаж, ЭМЯ-ны харьяа эмнэлэг, төвүүд, аймгийн эрүүл мэндийн газар, нэгдсэн эмнэлгүүдэд Эрүүл мэндийн сайдын 2010 оны 205 тоот тушаалаар 500 компьютер, сүлжээний тоног төхөөрөмжийн хуваарилан олгож байгаа юм.

Дэлхийн олон оронд эмийн бүтээгдэхүүнийг хуурамчаар үйлдвэрлэн ашиг олох явдал маш хурдацтайгаар тархаж байна.  
ДЭМБ-аас  хуурамч эмийн эсрэг тэмцэх олон талт арга хэмжээ авч манай хөрш улс орнуудад ч хуурамч эмийн эсрэг эрчимтэй тэмцэж байгаа хэдий ч хуурамч эм зах зээлд байсаар байгаа нь манай орны нөхцөлд энэ талаар дорвитой арга хэмжээ авч хэрэгжүүлэх шаардлагыг бий болгож байна.

Жил бүр уламжлан тэмдэглэж ирсэн Эмнэлгийн ажилтны өдрийг тохиолдуулан эрүүл мэндийн энхийн манаанд зогсож байгаа эмч, сувилагч, эрүүл мэндийн салбарын нийт ажилтнууддаа Монгол Улсын Засгийн газрын нэрийн өмнөөс болон хувиасаа баярын мэнд дэвшүүлье. Эрүүл мэндийн салбарын  ажилтны өдөр бол энэ салбарт ажиллагсдын эзэмшсэн мэргэжил, хийж бүтээсэн  ажил үйлс, амжилт бүтээлээрээ бахархах баярын өдөр, энэ бүхний үр шимийг хүртэж байдаг мянга мянган үйлчлүүлэгсдийнхээ талархал, дэмжлэгийг хүлээж авах хүндэтгэлийн өдөр хэмээн үзэж байна.